Doot mei aan ôzze expositie

De inschriéftermien is verstreke. Mochse nog ein biezonder werk hebbe dan neem kontak op via expositie@laevede3.nl en dan kieke we nog of d’r meugelikhede zien um deil te neme.

Bis dich creatief en kins dich diene Vastelaovend in ein beeld vange? Gaef dan gehuur aan ôzze oproop en doot mei? Steur dien ideej of schets in en wae wet… misschiens is dien Vastelaoveskunswerk waal 33 daag in ’t Raodhoes te zeen!

In ‘t naojaor van 2016 vindt d’r ‘n biezondere exposisie plaats in ’t Raodhoes in Bliërick. Heejveur is de organisasie op zeuk nao 33 (nieje) Vastelaoveskunswerke. ’t Doel is um oét zoevuul meugelik (Limburgse) gemeinten kunswerke te exposere. In totaal dus 33 stöks.

De (amateur) kunstenaer meug zelf bepaole wie zien werk d’r oét kump te zeen. Wuurt ‘t ‘n schilderij, een teikening of ein beeld? Auk in de aafmetinge laote we de deilnemers vreej. ‘t Kunswerk môt waal good vervoerbaar zien en netuurlik as thema Vastelaovend hebbe. De organisasie bekiek en beoordeilt de inzendinge en kies oétintelik 33 kunstenaers oét die eur werk tentoén meuge stelle.

De tentoénstelling is te bezichtige van maondaag 17 oktober tot en mit vriédaag 18 november (33 daag lang!), in aanlaup nao ‘t BCL-carnavalstreffen 2016. Op vriédaagaovend wuurt d’r ‘n veiling georganiseerd in ‘t Raodhoes en waere de kunswerke per opbod verkoch. De helf van de opbrings geit nao de kunstenaer en de andere helf nao de organisasie. De expositie wuurt aangevuld mit nog ein aantal andere vastelaovesattributen en is gratis toegankelik. De organisasie is in hand van stichting Blauwe Vastelaovend i.s.m. stichting Laeve de 3!.

Laes heej de veurwaerd veur deilname aan dit biezondere projek. Door mei te doon aan ’t projek geisse akkoord mit de veurwaerd.

Aanmelde kin dao ’t inschriéfformulier in te vulle en op te steure nao expositie@laevede3.nl of per pos nao Stichting Blauwe Vastelaovend, Maasbreesestraot 44, 5921 EM Bliërick.

We zien d’r van euvertuug det d’r hiel vuul (amateur) kunstenaers zien in Limburg die prachtige vastelaoveswerke kinne make. We laote ôs gaer verrasse!

Download ’t aanmeldformulier

Gen reacties beej "Doot mei aan ôzze expositie"